Frida Amundsen gjer comeback med ny musikk gjennom kampanjesamarbeid

Det skriv Partnerstudio i ei pressemelding.

Då Sylvsmidja, Noregs leiande produsent av bunadsølv og moderne smykke, ville fornye og forsterke den nyaste smykkekolleksjonen sin Spor, tok dei kontakt med Schibsted Partnerstudio. Målet var å nå ei yngre målgruppe på ein måte som både bevarar arven og dyrkar det moderne. 

Resultatet vart kampanjen «Blome», med artist Frida Amundsen i hovudrolla. 

Lasse Sandaker-Nielsen blir kommunikasjonsdirektør i Hurtigruten

I ein content marketing-artikkel på blant anna VG.no, fortel ho korleis det tradisjonsrike handverket frå Voss inspirerte henne til å vende tilbake til musikken. 

Samarbeidet har fått merksemd også internt i Sylvsmidja. 

– Vi er så stolte over at Frida har skrive denne otte låten. Spor-smykka handlar om meir enn berre pynt. Dei symboliserer styrke og mot til å velje sin eigen veg. Då er det utruleg stas for oss at Frida vart inspirert til å lage musikk nettopp på grunn av smykka og kampanjesamarbeidet, seier Maria Gjerstad, marknadsjef i Sylvsmidja. 

– Å jobba med Frida og Schibsted Partnerstudio har gitt oss eit nytt språk for å nå eit yngre publikum, utan å miste røtene, føyer ho til. 

Kampanjen, med musikkvideo som eit av elementa i den, vart produsert og distribuert av Schibsted Partnerstudio. 

– Vi ville lage ei historie som både rørte og inspirerte. Frida fann det i møtet med Sylvsmidja, og no gler vi oss over at kampanjen inspirerer heile det norske folk med norsk smykkekunst, seier Mari Møen Nygaard, innhaldsprodusent i Schibsted Partnerstudio. 

– At Frida faktisk fann tilbake til musikken gjennom dette samarbeidet, er ei gåve som ikkje kan planleggast, men som løftar heile prosjektet. 

Fasett vant reklamekontrakt med Rogaland fylkeskommune