MC-føraren Pål Anders Ullevålseter er frontfiguren i den nye kampanjen som er laga i Telemark.

Her sjekkar Pål Anders Ullevålseter inn på hotell - På motorsykkelen

Ny internasjonal kampanje er det vesle Telemarksbyråets fyrste steg mot å verta eit fullskala kommunikasjonsbyrå.

Publisert

Denne artikkelen er over to år gammel.

– Dette er eit slags gjennombrot for lite byrå, å få jobba med ei internasjonal lansering.

Det seier Hans Kristian Lahus, dagleg leiar i det vesle byrået Superlativ media, med base i Bø i Telemark.

Torde å satsa

Byrået vart etablert i 2006 i Telemark og har sidan utvikla seg til å verta eit klassisk lite, lokalt reklamebyrå med fire tilsette som har laga nettsider og trykksaker.

Hans Kristian Lahus, dagleg leiar i Superlativ Media.

Men no vil dei ta steget heilt ut og verta eit fullskala kommunikasjonsbyrå som tilbyr både content, film og bilete.

– Me har eigentleg tort å satsa å vera offensive og utvida markedet i korona-krisa, seier Lahus.

Og fredag kom det fyrste tydlege beviset på at ting er på gang. Då vart det lansert ein reklamefilm for Straand hotell med den kjende MC-føraren Pål Anders Ullevålseter i hovudrolla. I filmen ser ein Ullevålseter på tur i et vakkert landskap kor han endar med å køyra opp trappene og inn i hotellet. Alle andre må parkera utanfor. Etter innsjekken køyrer han berre vidare inn på hotellet.

Hans Kristian Lahus regisserer sine kolleger Manuel Madsen og Maria Sørlie.

Filmen skal lanserast internasjonalt for å etablera hotellet som ein destinasjon for hubriding. Hubriding er at ein har ein base ein bur på, men dagleg køyrer ein ulike spektakulære ruter med motorsykkel.

Dyraste enkeltproduksjon

– Denne filmen skal me følga opp med ytterlegare 15-20 kortfilmar for Instagram, fortel han.

Fram til no har kundane deira stort sett berre vore i Midt-Telemark men no har dei byrja å ta for seg med større og meir landsdekkande kundar.

Ideen med Ullevålseter er utvikla av advokat Arve Lønnum i Advokatfirmaet Lønnum i Oslo som sjølv er aktiv motorsyklist. Lahus i Superlativ media seier at dette truleg er den dyraste enkeltproduksjonen dei har vore involvert i.

– Me har jobba med større kampanjar. Men dette vart produsert på to dagar. Så det er den mest intensive produksjonen budsjettmessig, seier han.

Powered by Labrador CMS